Би аз жаргалаа олсоооооооооооон

Сайн уу? интернэтээр хэрэн хэсч яваа анд найз эсвэл атаатан хэн ч байсан яахавдээ энэ өдрийн мэнд хүргэе? Та нар намайг яагаад ингэж бичэв гэж гайхаж байж болох юм. Ойрд ер нь тэмдэглэл маань дандаа санаа оноо сэтгэл хөдлөлөө бичээд байгаа бил ээ. Кэкэ. Гэртээ хариад сайхан наадаад бас хайртай хүнтэйгээ сайхан салхинд гараад ирлээ. Цаг хугацаа их өнгөрчээ, хүний амьдралд зөндөө л өөрчлөлт гардагч бас өөрчлөгддөггүй юм гэж байдаг юм байна. Энэ бол хайр за магадгүй хүний сэтгэл эсвэл бүр санааных байх. Анх 9-р ангид байхдаа нэгэн охиныг маш ихээр боддог болж билээ. Найзууд маань бүгд мэддэг ч гэсэн би өөрөө очоод хэлж чадахгүй бас л удаан явсандаа. Анх түүнтэйгээ уулзах гэж оччихоод хаалган дээр нь гучин минут зогсож билээ. Анхны хайр бүтдэггүй гэж хүмүүс ярьдаг ч бас бүттдэг нь байдаг юм байнааааааааа. Сайн сайханд тэмүүлэх сэтгэлийн их тэмүүлэлийг хүн, хүнээсээ олдог юм байна. Би энд хотод нэг л орчинд нэг л дадал зуршил дунд нэг л хэвийн амьдарсаар байгаад урсгалаар хөвдөг завь л болсон байснаа ойлголоо. Хүн гэдэг орчинтойгоо зохицон амьдрах болоод бусад хүчин зүйлсийн дунд л сайхан санааг олдог байна. Гэхдээ энэ бүгдийн дундаас хүн сэтгэл амар, тэр амар амгалан тайвшралыг би нэг л хүнээс оллоо. Би удаан хүлээсэн бас удаан бодсон, цаг хугацаа ч асар их өнгөрсөн, энэ бүхэн магад шалгуур болсон байж мэдэх юм эсвэл түүний минь хэлсэнээр ингэх ёстой байсан юм бил үү. Би яг одоо маш их баяр хөөртэй, басхүү аз жаргалтай байна. Хотын гудамжаар хөтөлцөн алхах хосуудыг хараад хааяахан атаархдаг байсан тэр үе юу байсан аэ? би одоо харин атаархахгүй байна. Яагаад гэвэл би сэтгэлдээ түүнтэйгээ хамт, түүнийгээ бодож яваа болхоор илүү жаргалтай алхаж байна. Би аз жаргалыг дэндүү холоос эсвэл арай өөр газраас олох юм шиг байсан маань эндүүрэл байсан. Аз жаргал минь харин өөрөө наддаа хүрээд ирлээ. Тэр минь хэдийгээр надаас хол өдөр болгон уулзаж хамт байж, биесээ харж чадахгүй ч гэсэн бид нэг л үед бодож бас үгүйлж байгаа ч нэг ч агшинд хамт байхгүй байна гэж гуниглахгүй байна. Хамт байгаагүй, хамтдаа өнгөрөөж чадаагүй цаг хугацааны агшин бүрээр би түүнийгээ хайралмаар байна. Алслан одсон мөч бүхэнд би түүнийг л бодож түүн шиг л хэн нэгнийг хайж байсан шүүдээ. Харин энэ бүхэн надад санаанд оромгүй сайхан зүйлийг түүнтэй минь хамт авчирлаа. Дэндүү их хайртай болхоороо чамдаа хайртай гэдэг үгийг хүртэл хамаагүй хэлхээр үнэ цэнээ алдчих юмшиг санагдаад байхын. Гэхдээ хэлээгүй байсан ч чи минь мэдэж байгаа гэдэгт би итгэдэг. Шаналал дунд өнгөрөөсөн тэр хором хугацаа салхинд туугдсан мэт өнгөрчээ. Түүнд минь ямар хэцүү бас гунигтай байсныг таашгүй. Би одоо л эхлэж байна би одоо л хайрлаж байна энэ бүхэн дуусахгүй үргэлжилнэ. Би одоо дахиж чамайгаа алдахгүй, тийм болчимгүй зүйл дахиж хийхгүй ээ. Магад тэгүүл би өөрөө тэсэхгүй байх. Надад аз жаргалыг эргүүлэн авчирсан болхоор би чамайгаа улам ихээр хайралнаа. Чамайгаа орхиод наашаа явхад ямар хэцүү байсан гээч амралтын өдрүүд даанч цөөхөн хамт байсан мөчүүд дэндүү жаргалтай байлаа. Би өдий болтол үүнийг л хүсч чинийхээ гарыг атгаад хаашаа ч гэдгээ мэдэхгүй хамт алхахыг л хүсч байсан. Чамтай өнгөрүүлсэн хором бүр найзад нь хамгаас илүү сайхан байсан өмнө нь ч одоо ч цаашдаа ч тийм л байх болно. Чамайгаа өвөр дээрээ суулгаад хуучин цэцэрлэгийн хашаанд сууж байхдаа би ямар жаргалтай байсан гээч. Ямар урт хугацаа өнгөрсөн юм вэ? магадгүй өглөө болтол суух байсан байхаа. Богинохон юм шиг мөртлөө уртаас урт түүх, гунигтай мөртлөө хэтэрхий жаргалтай мөчүүд, уйтгартай юм шиг мөртлөө баяр хөөртөй өнгөрөөсөн мөчүүд бидний дунд их байсан. Тэр бүгдийг дурсаад хэвтэж байхдаа би чамтайгаа уулзсан юмшиг болж нойр хулжсан үдэш нэг бус удаа байсан. Энэ блогийг минь уншиж байгаа дэлхийн өнцөг буланд суугаа хэн нэгэн мэдээсэй тэгээд асар удаан хугацааны дараа надад эргэж ирсэн аз жаргалд минь улам сайхныг хүсээсэй гэж би бодож байна. Тэгээд намайг чамдаа ямар их ХАЙРТАЙ гэдгийг бас мэдээсэй.

Хацрыг чинь гараараа илж суухад
Хайрын бурхан алганд минь амилдаг
Энхрийлэлд уяссан чинийхээ нүдийг хараад
Энэ хорвоогийн сайхан бүгдэд итгэдэг

Ариухан тансаг биеийг чинь тэврээд
Амьдралыг үнэн сэтгэлээсээ биширдэг
Хүнлэг сэтгэлийг чамаасаа олж харахлаар
Хүн болгоныг тэвэрч үнсмээр санагддаг

Чинийхээ барааг холоос ч болов харахад
Цэв хүйтэн тэнгэрт нар мандах шиг болдог
Арван тавны сар дэрэн дээр минь туяарахад
Амьдрал заримдаа үлгэрээс ч гоё байдаг

Энэ хорвоо ямар гайхалтай юм вэ?