Ээждээ очоод нэг үнсүүлэх юмсан

Би ер гэрсэг хүн л дээ. Арван жилд байхдаа 9-р ангид орхоосоо өмнө гэрээсээ гардгүй ном уншаал суудаг их гэрсэг хүүхэд байлаа. Яагаад ч юм хүүхдүүдийн тоглож байгаа хоккей, хөл бөмбөг энэ тэр нээх их сонирхол татдаггүй байлаа. Бага ангид байхдаа манай ангийнхан хичээл тараад охид хөвгүүдгүй баавгайн чих их тоглдог байлаа. Орой болж байхад гэртээ нээх л хичээл хийсэн хүмүүс яадарсан өлссөнөө гайхаал ордог байлаашд. Бусад ангиуд тэгэж ерөөсөө тоглдоггүй байсан юмдаг. Тэгээл гэртээ ороол ээжийнхаа чанасан хийцтэй эсвэл будаатай цайг амаа олохгүй уудаг байлаавшд. Сайхан байжээ хүүхэд нас минь. Миний аав ээж ч сайхан хүмүүс. Анх хамаатнууд бид гурвыг бужигнуулсан хүнд гарууд гарч ирнэ гэж ярьдаг байсан гэж байгаа. Нэг удаа манай аавын эгч нь өдөр манайд орж ирээд ПӨӨХ ямар цэвэрхэн юм бэ? гээд дуу алдаж байсныг санадаг юм. Миний аав ээж хоёр гурван хүүгээ сайн хүмүүжүүлсэн сайхан ч хүмүүс. Би аав ээжээрээ эх орноороо бахархаж явдаг жирийн нэгэн монгол залуу. Амьдрал хэмээх их далайд хол тавиад удаагүй ч энэ амьдралыг утга төгс амьдрах хүсэл зориг надад маш их байна. Гэхдээ үүний тулд хааяа ч гэсэн эжий аав хоёртоо очоод ганц үнсүүлэх хүсэл төрхийн. Дараах шүлэг үнэхээр эх хүнийг өөгүй сайхан хэлсэн шүлэг. Эжий аав та хоёртоо хүү нь хайртай шүү.
Ц.Хулан : Ганцхан ээждээ унших

Намрын уулнаа бугын урамдахыг сонсоорой
Намайг ухаажихыг үзэх гэж ижий минь та урт наслаарай
Манцуйдаа ирж таныг би ганцхан удаа жаргаасан
Магадгүй тэрнээс хойш дандаа зовоосон
Ганцхан намайг гэж ижий та
Газар дээр минь хичнээн увидастай тєрсєн юм бэ?
Бариувчийг минь эсгэж, хуримын ємсгєл чимэглэж
Балчраас минь єдийг хүртэл та оёдолчин явлаа
Оточ маналын хувилгаан ийм байдаг уу гэлтэй
Орон дээрээс минь алгасалгүй тонгойж
Дэрэн дээр намайг бүлээрч хонох болгонд
Дэлхийд хамгийн сайн эмч минь та байлаа
Аягаа эвдэн, эрхэлж ядсан намайг
Аргадсандаа алиалагч болж ємнє минь эргэлдсэн
"А" үсэг бичих гээд будилж цєхєж суухад минь
Алдаатай байхад нь улаан цайм онц тавьдаг багш минь
Цаг оройтсон болзооноос эргэж ирэхэд
Цагдаа, эсвэл үүдний манаач
Сар нарны ээлжгүй гал сахисан тогооч
Сангийн бойпорт арц уугиулж маань уншсан лам аа…
Шүхэр тэнгэрийн дор алдаж эндэх тоолонд минь
Шүүхийн тогтоол уншдаг яллагч нь та мєртлєє
Даамай их хайр тань аанай л хэвээрээ
Давж заалдсан ємгєєлєгч болж зовлонгоос намайг суллана аа
Жигжид бурхныг олон мутартай гэлцэнэ
Жижигхэн энэ бие чинь түүнээс ч олон гартай
Элбэг их хайр, Ээжий гэдэг нэр тань
Энэ орчлонгоос авсан хамгийн том алдар аа
Зүүний сүвэгчээр ч багтах он жилийн урсгалд
Зүгээр л дэргэд минь байж хайрла
Ижий гэж дуудах болгондоо баярладаг
Ижил хэдэн хүүхэддээ урт насалж хайрла!